Plantun de Prouvènço

Pèr coumpara dos planto d'encò nostre

Schedonorus arundinaceus subsp. arundinaceus & Geranium sylvaticum

Schedonorus arundinaceus subsp. arundinaceus

Poaceae Graminaceae

Noms en français : Fétuque élevée, Fétuque faux roseau.

Descripcioun :
Petugo pulèu grando (0,2-1,2 m) que trachis en mato verdo dins li prado, ermas, camin e en ribo de ribiero. La paumo es amplo, li fueio, escabrouso, soun pulèu larjo (>5 mm) e porton d'auriheto cihado roundo (fotò). La lengueto (ligulo) èi proun pichoto. La lemma porto en generau uno arèsto de 0,5 à 4 mm. Se destrìo de la subsp. fenas qu'a 2 o 3 ramo à cade nous d'en bas de la paniculo emé mai de 3 espiguet (la subsp. fenas a li nous d'en bas emé soulamen 2 ramo).

Usanço :
La petugo-faus-canèu es uno planto pasturiero que trachis tout de long de l'an.

Port : Grando erbo
Taio : 0,2 à 1,2(2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Schedonorus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) flour : 10 à 15 mm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Mai à juliet

Liò : Prado umido - Camin - Ribiero - Champ
Estànci : Termoumediterran à Mountagnard
Couroulougi : Paleoutemperado
Ref. sc. : Schedonorus arundinaceus subsp. arundinaceus (Schreb.) Dumort., 1993 (= Festuca arundinacea Schreb., 1771 )

Geranion(-de-fourèst)

Geranium sylvaticum

Geraniaceae

Noms en français : Géranium des forêts, Géranium des bois.

Descripcioun :
Lou geranion-de-fourèst es uno planto proun coumuno dins lis Aup en mountagno mejano, ounte emé soun rizoumo, fai de poulìdi coulounìo. La fueio èi proun penado e decoupado e lou pecou di flour, glandoulous (fotò) .

Usanço :
Es uno bono erbo pèr li vaco.